Fish's Blog

以下係..另一個囧瑜對另外一個囧瑜要講既野::

咳咳,而家另一個囧瑜假裝緊好專心咁做功課
因為佢有太多功課都未做,而且聽日仲要去風流快活
所以慌張既佢,只好今日十點迫自己起身,唔好再變豬,表示佢有想做功課既決心
我承認個舉動的確好振發人心,好有激勵自己既意味

但是(重點係但是)
當佢狠下心打俾另一個囧瑜叫佢唔好變豬既時侯
佢竟然仲可以好理直氣壯咁同佢講:但我起左身咁耐,一份功課都未做,淨係係度上網
係個陣,俾佢係夢境活生生扯出黎既囧囧,矇矇矓朧感覺到自己個頭有點赤痛(在這裏,尚且叫把兩個囧瑜分開,一個叫囧囧.一個叫囧瑜,以免混淆)
囧瑜果然不愧係囧瑜,囧囧徹底的無話可說了

幾經掙扎後,
囧瑜終於要做功課
實在令囧囧感到佢真係改變緊啦,唔想佢變做豬..
可想而知,囧瑜一直都處於被動既狀態
唔到俾人/事/交功課迫切時間刺激下佢都好被動..從不主動去做功課
在這點上面,可以看出佢係一隻又蠢又囧既豬(我想囧瑜睇到這裏,臉容上應該有點咬牙切齒既感覺,這就是囧囧要達到的目的之一)

可惜,囧囧實在太想念囧瑜師奶
所以囧囧又再打多次俾囧瑜
因為太想捉弄佢,只好騷擾佢
由於囧瑜話當佢處理完所有功課個陣,就會瘋狂打俾囧囧
但請切記:兩人做功課既起跑點不是相同的,即係話,當囧瑜做完功課個陣,囧囧可能好專心做緊佢既功課
而囧囧亦都確信囧瑜是完全明白這一點的
但佢好有可能都會打俾囧囧,唔單止想嘈返佢做功課,仲有一點就係囧瑜一定好想念囧囧
就好似尋日咁任性咁放縱自己心入面既想法,付諸於實行
走左大概三十個諸聖咁既距離去搵囧囧,最後仲偷吻左囧囧(羞羞臉)

返返去侯先講到既野
係電話入面囧囧發現左原來囧瑜咁迫切做功課背後唔只一個原因
原來囧瑜聽日要出去風流快活.預計聽日功課既完成率係:100/1000=0.1
所以佢只好係今日做哂應該要完成既功課..好等聽日可以完全放心去風流快活
但係囧囧發覺,囧瑜尋晚已經決定左聽日去風流快活
不過囧瑜卻隻字不提..你叫囧囧心入面點諗呢??
所以在這裏,奉勸囧瑜最好快快負荊請罪..哈
但其實囧囧心入面都唔會怪囧瑜的,因為係去做健康既運動,所以囧瑜有充分既理由可以去風流快活
只可惜囧囧唔擅長係運動方面,只好企埋一邊,唯有聽日做個乖囧囧係屋企盡量清理功課
囧囧再一次決心今個夏天要做個擅長運動既囧囧
咁樣,夏天個陣先可以有更多活動同囧瑜玩
囧囧係咪好細心,體貼呢??呵呵

好啦,大慨係多咁先
To be continue...